Shillong, Jymmang 30:
Ka Sorkar Meghalaya Democratic Alliance (MDA-2) ha ka Sngi Ba-ar ka la pdiang ïa ka jingai jingmut jong ka Committee on the Reservation Roster bad ban ailad ruh ban ïatai ïathir halor ka bhah thung kam thung jam hapoh ka jylla.
Haba pyntip ïa kane, ka Chairperson jong ka komiti ka Kong Ampareen Lyngdoh kaba dei ruh ka Myntri ka tnat Aiñ ka la ong, “Ngi la dep ban pynbna ruh ba ngin ai lad ban pynbun ïa ki dkhot jong ka komiti bad ha kaba la bthah ïa ki seng saiñ pyrthei ba kin jied sa mar ar ngut ki dkhot na ka seng ka jong ki.”
Haba ban jur halor ka jingdonkam na ka bynta ka jingkynthup lang, ka Kong Ampareen ka la ong ba ki kwah ban pyntikna ba ka jingmihkhmat na ki seng saiñ pyrthei bapher bapher kan long ïaryngkat, bad ban pyntikna ruh ba kan don ka jingïa biang lang na baroh ki jaidbynriew jong ka jylla.
Ka Myntri ka la pyntip ruh ba hadien ba la thaw ïa kane ka komiti kaba thymmai, la buh ban pynlong pat ïa ka jingïalang kaba nyngkong ha ka 31 tarik mynta u bnai, ha ka por 2.30 noh phai sngi. “Ngi kyrpad ïa baroh ki seng saiñ pyrthei ban wan ïashim bynta, kaba ngi la dep ruh ban pynbna naduh mynnin da ka jingmynjur jong ka komiti,” ka la ong.
Shuh shuh ka Kong Ampareen ka la ong da kane ka jingïathir, kaba ka khmih lynti kan long kaba biang bad baroh ki seng saiñ pyrthei, “Ngin sa lah shuh shuh ban ïatai halor kane ka mat kaba ïadei bad ka jingthrang jong ki nongshong shnong ka jylla.”
Lah ban pynkynmaw ba ka jingïalang kaba nyngkong jong ka Committee on Roster System ka la dep ban rai bad phah ka jingtyrwa sha ka sorkar ban ai lad ïa ka komiti ba kan ai ka jingbatai kaba janai halor ki mat jong ka Voice of the People Party (VPP) ban pyntikna ba ka jingthmu jong ka komiti kan long kaba pura.
Shillong, Jymmang 30:
Ka Sorkar Meghalaya Democratic Alliance (MDA-2) ha ka Sngi Ba-ar ka la pdiang ïa ka jingai jingmut jong ka Committee on the Reservation Roster bad ban ailad ruh ban ïatai ïathir halor ka bhah thung kam thung jam hapoh ka jylla.
Haba pyntip ïa kane, ka Chairperson jong ka komiti ka Kong Ampareen Lyngdoh kaba dei ruh ka Myntri ka tnat Aiñ ka la ong, “Ngi la dep ban pynbna ruh ba ngin ai lad ban pynbun ïa ki dkhot jong ka komiti bad ha kaba la bthah ïa ki seng saiñ pyrthei ba kin jied sa mar ar ngut ki dkhot na ka seng ka jong ki.”
Haba ban jur halor ka jingdonkam na ka bynta ka jingkynthup lang, ka Kong Ampareen ka la ong ba ki kwah ban pyntikna ba ka jingmihkhmat na ki seng saiñ pyrthei bapher bapher kan long ïaryngkat, bad ban pyntikna ruh ba kan don ka jingïa biang lang na baroh ki jaidbynriew jong ka jylla.
Ka Myntri ka la pyntip ruh ba hadien ba la thaw ïa kane ka komiti kaba thymmai, la buh ban pynlong pat ïa ka jingïalang kaba nyngkong ha ka 31 tarik mynta u bnai, ha ka por 2.30 noh phai sngi. “Ngi kyrpad ïa baroh ki seng saiñ pyrthei ban wan ïashim bynta, kaba ngi la dep ruh ban pynbna naduh mynnin da ka jingmynjur jong ka komiti,” ka la ong.
Shuh shuh ka Kong Ampareen ka la ong da kane ka jingïathir, kaba ka khmih lynti kan long kaba biang bad baroh ki seng saiñ pyrthei, “Ngin sa lah shuh shuh ban ïatai halor kane ka mat kaba ïadei bad ka jingthrang jong ki nongshong shnong ka jylla.”
Lah ban pynkynmaw ba ka jingïalang kaba nyngkong jong ka Committee on Roster System ka la dep ban rai bad phah ka jingtyrwa sha ka sorkar ban ai lad ïa ka komiti ba kan ai ka jingbatai kaba janai halor ki mat jong ka Voice of the People Party (VPP) ban pyntikna ba ka jingthmu jong ka komiti kan long kaba pura.
