Shillong, Jymmang 30:
Ka sorkar jylla ka la pynpep noh ïa ka jingïalang ba ka la thmu ban pynlong bad ki seng bapher-bapher ban ïakren halor ka Reservation Roster lane kata ka Roster System hadien ba ki kynhun na Rilum Garo ki la kyntait ban wan ïashim bynta.
Ha ka jingshisha, ka sorkar ka la thmu ban ïakynduh bad baroh ki seng ka jylla ha Secretariat ha ka Sngi Balang, kata, ka 31 tarik Jymmang, 2023 ha ka por 11:30 mynstep.
Mynta ka sngi pat, ka tnat Home (Political) jong ka sorkar ka la phah jingthoh sha ki seng bapher-bapher ban pyntip ba ïa ka jingïalang ka ban long lashai ka sngi, la pynpep noh namar ki kynhun na Garo ki kwah ïa ka sorkar ba kan pynlong da kawei pat jingïalang na ka bynta jong ki ha Rilum Garo hi bad ym ha Shillong.
