Paris, Jymmang:
Ka jngiaid lynti ha kaba nyngkongeh jong u khlur ialehkai Tennis na ka ri Serbia u Novak Djokovic ha ka lympung ialehkai ba mynta ka French Open ka lah long kaba seisoh bad ba jop hadien ba utei u rangialehkai u lah khur shuwa ia ka jingjop ba nyngkong da 6-3, 6-2, 7-6 (1) ha ka kylla iakhun ba nyngkong pyrshah ia u Aleksandar Kovacevic.
Kumta utei u rangialehkai na Serbia uba long ruh u lahduh ha katei ka lympung ialehkai haduh arsien, u lah ioh mynsiem lyngba ki ar ‘set’ iakhun ba nyng-kong ki jong u ha shuwa ba un mad ia ka jingiakhun na utei u rangiakhun pyrshah uba lah duna bha ka rukom ialehkai wat ha ka jingiakhun tie-breaker ruh kumjuh. Ha katei ka jingiakhun, u Djokovic u lah pynwai noh ia ka jingia aireng da kaba sam bol bha ha ka jingioh ban pynphai shalade ha ka dor-thong ba nyngkong jong ka jingialehkai bad hadien katei ka jingjop, u Novak un hap ban pynkhreh sa na ka bynta ban iakynduh pat bad u nongialehkai na Hungary u Marton Fucsovics ha ka jingiaknieh jong ki sha ka kylla iakhun kaba lai.
Ha kawei pat ka jingialehkai, u Benoit Paire u lah pynjai-jai ka rukom ialehkai ka jong u hynrei u bym shym la lah pat ban kiar na kawei pat ka jingshah pynrem ha kum katei ka lympung leit iakhun ka jong u, hadien ba u lah shah pynliem noh ha ki san set iakhun ha u Cameron Norrie da 5-7, 6-4, 6-3, 1-6, 4-6.
Ha ka jingiakhun jong ki kyntheim ka Sloane Stephens ka lah pynliem noh ia ka Karolina Pliskova na ka bynta ban jam pat sha ka kylla iakhun kaba ar, hadien ba ka Sloane Stephens ka lah pynleit jingmut khambun ha kata ka jingiakhun ka jong ka ha kaba sdang jong ka jingialehkai na ka bynta ban khur noh shalade ia ki 6-0, 6-4 jingjop pyrshah ia ka Pliskova. Shuh shuh ha kawei pat ka jingialehkai, ka Madison Keys ka lah pynliem noh ia ka Kaia Kanepi da 6-1, 3-6, 6-1 na ka bynta ban iai pynjanai shuh shuh ia ka rekod jingjop jong ka kam ialehkai ka jong ka ha ka kylla ba nyngkong da 35-5.
Ki Result:
First round: Men’s singles: N Djokovic ia u A Kovacevic da 6-3, 6-2, 7-6(1); R Bautista Agut ia u Y Wu da 7-6(4), 6-1, 6-1; F Fognini ia u F Auger-Aliassime da 6-4, 6-4, 6-3; C Norrie ia u B Paire da 5-7, 6-4, 6-3, 1-6, 4-6.
Women’s singles: E Avanesyan ia ka B Bencic da 6-3, 2-6, 6-4; K Pliskova ha ka S Stephens da 0-6, 4-6; E Svitolina ia ka M Trevisan da 6-2, 6-2; V Gracheva ia ka D Galfi da 6-4, 2-6, 6-1; K Kanepi ha ka M Keys da 1-6, 6-3, 1-6.
