Dr. J. T. Syiemlieh
Kam long ka jingdawa kaba shongnia ban pyntreikam ia ka Roster System naduh 1972. Kane kan long ka jingleh shiliang pyrshah ia ki Khasi-Pnar.
Ki Garo ki la duh ei ia ki kam Sorkar naduh 1972 namarba kim biang percentage. Hynrei ia kitei ki kam bathylli ym shym la ai sha ki Khasi-Pnar kiba biang percentage. La ai ia ki sha kiwei pat ki jaitbynriew.
Haba nga la leit sa h sha Meghalaya House ha Kolkota ne Delhi, nga la lap ba ki nongpyniaid hangta ki dei ki Bengali ne Assamese, ym ki Garo ne Khasi-Pnar. Balei ym shym la ai sha ki Khasi-Pnar?
Kumno mynta pat ki Garo kin dawa ia kaba la duh ? Kata ka la leit, kam wanphai shuh. Hap sdang tang nangne shakhmat, ban biang lang ia ki paid Garo bad Khasi-Pnar.
Kan bha shibun ban pynkyllum lang ia ka percentage shaw ka 80 percent, ym shuh 40 – 40 kumba la ju leh. Bad kane kan treikam katkum ka Merit. 20 per cent ia ki General.
Nangta la dei ban ailad tang ia ki paid Garo, Khasi-Pnar nylla, ym ia ki khun shiteng, ha kaba ki longkpa ki dei na kiwei pat ki jaitbynriew.
Nangta dei ban ai kam tang ia ki Garo Khasi-Pnar kiba dei ki traishnong Meghalaya, ym ia kiba nabar ka Jylla.
Kaba sngewsih ka long ban iohi ba ki nongialam Khasi -Pnar, lait na party VPP, kim da i-pyrwa ban iakren bha halor kane la kumba kane kam dei ka jingkitkhlieh jong ki.
Kane ka dei ban long ka mat bakongsan ban ia pynbeit bha.
