Nongstoiñ, Jymmang 30:
Ka Hynñiewtrep Achik National Movement (HANM), Eastern West Khasi Hills District ka la pynbna paidbah ba ha ka Sngi Balang jong ka taïew kata ha ka 31 tarik kan pynlong ïa ka ïaid eh rngiew ban dawa pynbeit noh ïa ka bhah thung kam kaba long ruh kum shi bynta ban pynpaw ïa ka jingkyrshan kaba pura ïa u nongïalam ka VPP u Bah Ardent M Basaïawmoit uba la sdang ïa ka jingïakhih da kaba pynlong ka jingshah thngan ka bym buh por.
Ïa kane ka jingïaid eh rngiew ka HANM ka la pynbna ban sdang naduh na mot Tirot Mairang Mission haduh ka jaka shah thngan jong u Bah Ardent.
Kumta ka HANM ka kyntu ïa baroh ki nongshong shnong jong ka EWKH khamtam eh ïa ki khun samla kiba dang pule ba kin ïa mih paidbah lang ha katei ka jingïaid eh rngiew ka ban sdang naduh ka por 8 baje mynstep jong ka 31 tarik Jymmang, 2023.
