Agartala, Jymmang:
Ki bor sorkar jong ka jylla Tripura ha ki khyndiat sngi kiba la dep ki la pyntip ba ka Sorkar Jylla ka la shim da ka rai ban kyntiew kyrdan ïa ki 11 tylli ki ‘police outpost’ sha ki ‘police station’ kiba pura khnang ban pynjanai shuh shuh ïa ki kam kiba ïadei bad ka jingtehlakam ïa ka shong suk shong saiñ ha ka jylla.
Ki 11 tylli ki ‘outpost’ ki ban sa shah kyntiew kyrdan sha ki ‘police station’ kiba pura ki kynthupo ïa ka Bagma, Chelagung, Manpathar, Baijalbari, Taibandal, Khairpur, Bagbasa, Champaknagar, Collegetilla, GB bad ka Ramnagar.
Kat kum ka jingïathuh jong u Assistant Inspector General (IGP), Law & order – Jyotishnman Das Chowdhury u la pyntip ba kat kum ka jingïoh ïa ka jingthoh na ka tnat Kam Pohïing jong ka jylla la pynbna ba kitei ki 11 tylli ki 11 ‘police outpost’ kin trei kam kum ki ‘police station’ kiba pura naduh ka 27 tarik mynta u bnai. U la pyntip shuh shuh ba ka jingpynkyntiew kyrdan ïa kitei ki police outpost kan lah shuh shuh ban pynjanai ïa ki lad trei kam jong ki bor pulit ka jylla.
Da ka jinglah ban kyntiew kyrdan sa ïa kitei ki 11 tylli ki police outpost, la ïathuh ba ka jingdon jong ki police station baroh ha ka jylla mynta ka long 99 tylli.
