P. S. Giri
Ka khubor lyngba ka Poetry ia ki nongpule u paid Khasi baiar kynthup u Khynriam U Pnar u Bhoi bad u War shaphang uwei u khlur ka jaidbynriew ka Bri u Hynniewtrep u bym khraw tang ka ktien hynrei da ki kam u pyni ban pynim ia ki khun ki kti ki jong nga ki jong phi. Bad kata ka dei ka bhah thungkam thungjam Job Reservation Policy bad ita i dei ia i Bah Ardent Miller Basaiawmoit, i ba lah shah jingit tang marwei ha iwei i shyngoid. Khlem jingsalia ia ka miet ka dum ka synñia, ka lyer ka sngi u slap bad u phria, wat ban iehnoh ia ka ïing ka sem bad ia la ki jong ki khun ki kti.
Baroh u briew bastad,
Mano ba lah ban len;
Khlem da plie ka lad,
Kumno un lait ban kren.
Sangah beit ia u prek hep,
Ai na shato dar dar;
Tangon eh daiñ daiñ, hep
Mynba dang saw u nar;
1.Ka Ri Khasi lah kah dum don jingkyrmen,
Ba mih ki Riewshlur kum I Bah Ardent;
Bad uba dei ruh u President ka Seng V.P.P,
U bud ia ki nuksa u Mahatma Gandhi.
2.50 snem ka rta ka jylla ka la iaid,
Ia ka Reservation Polisi ym nud ia ktaid;
Ha iing Dorbar Assembly baroh ia sngap jar,
Ki (M.L.A) Khynriam U Pnar U Bhoi Uwar.
3.Naduh ka BJP, UDP, HSPDP bad PDF,
I’u Conrad Sangma ki tieng ki khot sahep;
Katba u ong ka khlieh ki hap kohnguh,
Tang bakla tiak, shuki jong ki, kein kin duh.
4.Shuwa ka Election I’u paidbah pynbiej kai,
Reservation Polisi ha manifesto shakhmat ki ai;
Hynrei ynda la jop ki klet lut kita baroh,
Ha ka bus u Conrad wow ki iasdien iasnoh.
5.Khasi Mande (MLA) kamuk kon namjajog,
Ha kawei ka sngi Conrad Sangma un pynphong phrok;
Katba ong ma u baroh hap ban shu kohnguh,
Ia kaba lieh ki ong kaba iong kim sngewthuh.
6.Ka jingbakla jied dei ka jong ki paidbah,
Wat ia ki bym tip eiei jied namar ka spah;
Kiba kum kine dei ki ingkhong shalangmat,
Paidbah mynta ka kynti ngi lah ioh mad.
7.Ka jingmih ka Party thymmai dei V.P.P,
Kan dei ka jingkyrsiew thiah ia nga ia phi;
Baroh shi katta jaidbynriew iohthiah lyngngai,
V.P.P ka dei ka seng kum u prew ba tbeh jingshai.
8.Baroh ki Party riewlum haduh ki sngi mynta,
Ki dang ialeh sai dkut- u sai tyllai dang ia muja;
Mon la ka mon ka Herimai phi mon iano,
Ka tarajur ka noh shiliang phi tip shano?
9.Ha ka bhah thung kam thungjam 40 percent Khasi Jaintia,
Shish lah sngewlehrain wat u bieit u tip ia kata;
Tang na ki Constituency ngi la tam lypa ma ngi,
Sah kaei pat ym lah pynkylla Reservation Polisi?
10.36 seat ki MLA napoh Ri Khasi bad Jaintia,
Tang 24 seat napoh Rilum Garo haduh mynta;
Ban iakren ia jingbun briew ma ngi ngi la tam,
Bun bun shah ha Meghalaya ia kiwei la palat liam.
11.Kat kine ki jingshisha la paw bad iohi,
Hato ngin hun mo ban shu shong kli kti;
La lieh la iong la lyngkot ne jrong,
Ia ka hok ngin dawa ba dei ka hok lajong.
12.60 percent ia kiwei la ioh pule Doctor Engineering,
Katba ma ngi 75 percent hap ap ha ka list waiting;
Kiba hun mynsiem bad ba pdiang ia kata,
Dei khwan myntoi shimet bad nongshet kylla.
13.Ka por ka la dei kan wanrah ka jingkylla,
Namar ba ngi la kynjoh sha ka 50 snem karta;
Bad 20 ngut ngi la ioh ia ki Myntri Rangbah,
Ban iaineh kuymjuh da lei-lei ngim kwah.
14.Ka pyrthei ka pyrta we need a change sur ka sawa,
Kane ka juh ka sur ka mih na u Conrad Sangma;
50 years, He is a Hero, For Assam Megh boundary,
So sorry, he become the zero for Reservation Polisi.
15.Ka jingkren u Rakkam Sangma Education Minister,
Jingiakhih I Bah Ardent it’s will make a Fire;
Imat um pat tip ka Ri India dei ka Democracy,
Shisien peit imat u pass kot tuh na ka University.
16.It’s a shame that words came from Education Minister,
Bah Ardent Fight for the right no retreat no surrender;
Live long Bah Ardent and long live V.P.P
Education Minister step down from your chair immediately.
17.Hato ngi hun ia ka hok la ka jong ban ai noh shawei?
Kiba hun ia hok la jong ban ai ei dei ki ksan Rympei,
Ka hok bunsien ka ieng. Ka nongrim ka jingshisha,
Lada ngi ia tylli lang kawei ngin ioh shisha ia ka.
18.Tylli ngin ieng saphret ngin kyllon,
Ia ka thong ngin jop haba don ka mon;
Ka jingiatylli kawei ka don ka bor,
Manla ki shnong, nongkyndong ne wat sha sor.
19.U rangbah myllung Soso Tham u la pynshai ia ngi,
Ngin sa long nongtongum bad thohdieng shisien ka sngi;
Katkum na ki dak ki shin ba la paw shynna,
Ngi la long ki mraw jong ki truck 24 shaka.
20.Lah sngew lehrain ban long mraw ha ri ki lyoh,
Bah Ardent iakhun beit ka hok lajong ngin ioh;
Phi shah jingit marwei na ka bynta ka Reservation Polisi,
Ban biang ka pateng ban wan ki khun jong nga jong phi.
21.Tylli kawei ngin iasnoh kti lang baroh ha u Prah,
Kein noh ka UDP kyntait noh I’u Metbah;
Bret noh ia ia BJP, HSPDP, NPP Bah Tynsong,
Ha u Prah ngin ia snoh kti naduh sor sha nongkyndong.
22.La jan baroh ki MLA Khasi ki tieng I’u Conrad Sangma,
Ym tip balei ne u don ka jadu bad bor ba phyla;
Ne namar u dei u no.9 napdeng ki C.M donspah,
Ban iasnoh bad u ki kwah la paw ka jingrhah.
23.Don kiba kyrshan don ruh kiba pyrshah,
Ia ka jingshah jingit u President V.P.P ha u Prah;
Watla katta dang don kiba krenbein krenkhoh,
Kiba kum kita shisien ka sngi kin bat lyngkhoh doh.
24.Lajan baroh ki it Hima, ki shnong ki thaw,
Ha u Prah, ha u Prah, ka sur ka mih ki pynpaw;
Lait noh ki nongkyrshan ieit spah ka N.P.P,
Hapoh mynsiem ani wow ki leh dom leh dukhi.
25.Kim tip haduh kine ki sngi u Conrad u dei uei,
Namar ha ka Election da ka Pisa la theh sei;
5000 tyngka manla ki longing la jan man ki shnong,
Mynta phi la ngat kumba syang ia doh tyrkhong.
26.Kyndit bynriew noh ko phi ki khun Khasi Khara,
U snem 2023 dei u snwm ngi lap ia jingbakla;
Sdang ban ieid shuwa ialade bad ia la Rympei,
Kein noh kato ka ieid sbai ioh babe lehnohei.
27.Phai sha ka mon phai ruh sha baroh ki liang,
Reservation Polisi ka dei ka daw bah u sohkhylliang;
50 tylli ki snem ym don doctor ba la pynkoit ia ka,
Dei bah Ardent un lah ban weng sohkhylliang jong ka.
28.Naduh ba ngi dang ioh nyngkong ia kane ka jylla,
Paidbah ki la mad Party Riewlum bunsien ki shet-kylla;
Ka jingshaniah mynta ha party thymmai V.P.P bad u Prah
Namar ki dei ki rishot ia jaidbynriew ban ker ban kah.
29.Ka ktien ka shu sawa.khamjari ka kam,
Kum Bah Ardent jaidbynriew ka donkam;
Phi buh ia shuki shadien, jaidbynriew shakhmat,
Haduh ban shah jingit tang marwei phi hap ban mad.
30.Hooid! Watla markhmat ym ioh khublei kti,
Tang ha jingduwai ngin buh na ka bynta jong phi;
B’u Trai kynrad un ai ka met bakoit bakhlain,
Ba phin nang iar ka jingmut khraw ka pyrkhat pyrdain.
31.Kane ka jingthoh dei tang ha I sur ka poetry,
Kum ka jingkyrsiew thiah ia la ki jong ki para ri;
To kein ia utei u rangbah ngin kyntiew nam,
Ban im ka kyrteng sah ka nam lyngba ki kam.
32.Ha kaba kut bad ba khadduh bad khadwai,
Meinah Panah ha u Prah, ngin iasoh ban iarwai;
Jia katba jia ka mat long katba ka long,
Da u Prah ngin tai ia u stait theh sha kyndong.
33.Kein, bad klet noh ia kiwei pat ki seng, ne party,
Kiba ia don jingmut ban khanglad ia Reservation Polisi;
Ha ka synshar paidbah donkam uba stad bad shemphang,
Kata dei ka mat la batai kum ka kyntien maitphang.
34.Tang ka jingstad khlem shemphang baroh long lehnohei,
Ka jingstad baroh kam dondor shu sepei;
U briew uba stad bad shemphang u iohi kaei ban sa jia,
Katba uba biej u tur khlemran bad shu nohiap khamakha.
35.Khynriam u Pnar u Bhoi u War dei paid Khasi baiar,
Ha ka jylla Meghalaya pat ju ioh bat 5 snem ban ioh synshar;
Tang shiteng por, ka shait jia shuki ki la hap ban iehnoh,
Namar para ma ngi, ka khwanmyntoi shimet ia shuki lade dei ban ioh.
36.Jaidbynriew jong ngi sngewtynnad ban ai burom ia kiwei,
Ia ka long rynieng ban die tad dor kim sngew pher eiei;
Tangba la biang ialade shimet ai kan long katba long,
Wat la juban lak ba la khlei ki shet kylla shet khongpong.
37.Ki party dei tang kita ki uniform ne kita ki jersey,
Ba ju phong ha World no.10 barabor dei u Messi
Donkam u Ronaldo, M. Babpe bad u Neymar ban pynkhih ia ka jar,
Ha ka politic ngi donkam u Rangbah kum bah Ardent Miller
Im slem V.P.P namar ka ri
Ieng skhem Bah Ardent
Ka Ri ba la duh jingkyrmen
Ha u prah ha u prah-Ban kit ban bah.
