Shillong, Jymmang 31:
Hadien 9 sngi ba u President ba rangbah ka Voice of the People Party (VPP), Bah Ardent M. Basaïawmoit u la shong shah thngan hakhmat Additional Secretariat ban dawa khmih bniah biang ïa ka ‘Reservation Policy’, ki bor ba dei khmih ka koit ka khiah ki la ai jingmut ba dei ban ai noh da ka ‘Drip’ ïa utei u nongïalam ka seng namar um shym la bam eiei ha kitei ki sngi ba la leit.
“Phi la ïohi ïa ki doktor kiba wan na NEIGRIHMS bad Civil Hospital, Shillong, ki la peit bniah bad ki la pyntip ruh ba i khlem bam eiei ha kine ki 9 sngi,” la ong u General Secretary ka seng, Dr. Ricky Syngkon ha ka Sngi Balang.
Kumta u la ong ba ki doktor ki ai jingmut ba la donkam ban ai noh da ka ‘Drip’.
Haba kylli, u la ong ba u President u bit u biang bad um lei-lei.
“Ka jingai ïa ka ‘Drip’ ka long hadien ka jingpeit bniah na ka liang ki doktor,” la ong u Dr. Syngkon.
