Shillong, Jymmang 31:
Ka Sorkar Jylla ha ka Sngi Balang ka la pynmih ïa ka hukum kaba la bthah ban phah pynsangeh shuwa ïa ka jingpynmih ïa ki risol jong ki eksamin thung kam bad kumjuh ruh ban pynlong ïa ki eksam thung kam hapoh ka Jylla.
Kane hukum ka la mih na u Deputy Secretary jong ka tnat Personnel & Adm. Reforms (B) Bah L.K Diengdoh, uba la phah sha ka Meghalaya Public Service Commission (MPSC), District Selection Committee (DSC), Central Recruitment Board (CRB) bad Meghalaya Medical Recruitment Board (MMRB).
Kat kum katei ka hukum la bthah ïa baroh ki kam ba ïadei bad ka jingthung kam ha Jylla bad ki jingpynbna ïa ka risol thung kam ha ki kam bapher bapher la pynsangeh shuwa kumba ki long tad haduh ban da pynmih da kawei pat ka hukum.
