Aizawl, Jymmang:
Kum shi bynta jong ka jingïohi jngai bad ka jingtreikam ka ‘Insurance Regulatory and Development Authority ka India’ (IRDAI) ha kaba ïadei bad ka ‘Insurance for All’ ne ka ‘insurance’ na ka bynta baroh kat haduh ka snem 2047, ki shnat ba pynïaid ïa ki jingshakri ha ka liang ki kam ‘insurance’ ka la ïatreilang na ka bynta ban kyntiew ïa ka jingpynsaphriang jingtip shaphang ka ‘life insurance’ bad pynsuhthied ïa ka jingtip shaphang ‘insurance’ ha Mizoram. Ka Tata AIA Life Insurance bad IFFCO TOKIO General Insurance ki la lam khmat ha ka liang jong ka jingshim ïa kane ka sienjam, bad la ïoh jingkyrshan ïa ka na ka Life Insurers bad General Insurers na ki India’s Private bad Public Sectors. Hapoh ka jingïalam jong ka IRDAI, la don ka kynhun jong ki nongmihkhmat na bun tylli ki ‘Life’ bad ‘General Insurance’ kompani ki la ïatrei kam lang ban kyntiew ïa ka jingpynsaphriang jingtip bad ka jingpynsuh thied ïa ka jingtip shaphang ka ‘life insurance’ ha ka jylla. Kum shi bynta jong ka jingïaid kane ka jingïakren jong ka jingtreikam bad ki sienjam ki ban sa shim nangne sha khmat, la pynlong ïa ka jingïalang ha Mizoram hapoh jong ka jingïalam jong u Lalramsanga Sailo, Secretary, ka sorkar Mizoram, U Gautam Kumar, Deputy General Manager, IRDAI. Haba kren ha kane ka jingïalang, U Lalramsanga Sailo, Secretary, ka sorkar Mizoram, u ong, ” Ngi kyrmen ban ïoh ka jingnoh synniang kaba paka na ki Life bad General insurance kompany ban kyntiew ïa kane ka kam shaphang ka ‘insurance’.
