Shillong, Jymmang 31:
Ka ’thei ïalehkai na East Jaiñtia Hills, ka Turoi Phawa ka la khur ïa ka takma ksiar kaba nyngkong eh ha kaba sdang ïa ka lympung ïalehkai Chief Minister’s State Level Inter School Athletic Meet 2023 ba la pynïaid da ka tnat ïalehkai ka Sorkar Jylla ha ka Sngi Balang ha Sports Authority of India (SAI) Training Centre kaba don ha skulbah NEHU, Shillong.
Kane ka ’thei ïalehkai ka la khur ïa katei ka takma ha ka Long Jump, hadien ba ka lah ban kynthih haduh 4.32 metre. Ïa ka takma rupa la khur da ka Christine A. Suchiang na East Khasi Hills hadien ba ka lah ban kynthih haduh 4.05 metre. Katba ïa ka takma rnong la khur da ka Adrina Yimung na Ri Bhoi District hadien ba ka lah ban kynthih 4.03 metre.
