Changchun, Jymmang:
Kawei na ki klob ialehkai phutbol ha ka lympung Chinese Super League (CSL) ka Shanghai Port, ka la nang iai bteng biang ban pynjlan ia kata ka jingiaid lynti jingjop sha ki san jingïalehkai. Kane ka wan hadien ba katei ka kynhun ka la lah ban khur shalade ia ki 3-0 kol jingjop ha ka jingleit iakhun jong ka pyrshah ia ka Changchun Yatai ha ka kylla iakhun kaba 10 jong katei ka lympung ialehkai ka aiom ba mynta.
Haba phai khyndiat sha ka jing-iakhun hapdeng kitei ki ar kynhun katkum ka khubor ba lah ioh lum, ka long ba ka Shanghai Port ka lah ioh ban plie ia ka jynkhang ka jong ka ha kaba iadei bad ka jingthep kol ba nyng-kong kata ha ka 11min ialehkai ha ka por ba u Issa Kallon u lah pyndei ia ka bol kaba lah wanphai biang sha u na ka bynta ban pynioh sha ka kynhun ia ka kol ba nyngkong. Shuh shuh katba ki minit ialehkai ki dang iaid shakhmat jong ka kylla step, hynniew minit hadien ka kol ba nyngkong, katei ka kynhun ka lah ioh ban kamai sa ia ka kol ba-ar ia kaba lah thep da u Paulinho hadien ba ki ar tylli ki bol ba lah khyrwit da u Wu Lei la lah ban tem noh da u rangapkol ka Changchun Yatai. Ha kaba kut ka por jong ka kylla step, u Oscar u lah iohlad ban shut pynkhur ia ka bol na ka jingjngai kaba 30-yard ha ka jingshut free-kick ka jong u bad uba la lah ban pynrung ia ka bol najrong jong ka bynta ba shadong jong ka kol na ka bynta ban khur ia ka jingjop katei ka kynhun na ka jingiakhun baroh kawei.
Kumta ruh, na ki 8 jingjop bad ki 2 sien ki jingiakhaid kol na ki 10 tylli ki jingialehkai, ka Shanghai Port mynta ka lah long ka kynhun kaba lah lam mynta na khmat ha ka miej khein dor-thong jong ka lympung kata da 26 dor-thong; kata da 6 dor-thong jingtam shakhmat jong ka ia ka kynhun kaba wan ba-ar ka Chengdu Rongcheng.
U lah ai ksai ruh ba lada ka Pakistan kam shym la ioh ban pynlong katto katne ki jingialehkai ka Asia Cup ka lah ruh ban shim da kawei pat ka sienjam ha kaba iadei bad ka lympung ialehkai World Cup ruh kumjuh.
