Tripoli, Jymmang:
Ka ïingbishar jong ka Libya ka la rai phasi ia 23 ngut ki briew bad ia 14 ngut pat kiba la shah rai set patok baroh shi jingim namar ka jingiadon kti jongki ha ki kam jong ka Islamic State (IS), kynthup ia ka jingleit khrai khlieh ia ki Khristan kiba dei ki nong Egypt bad ka jingleit kurup ia ka nongbah Sirte ha u snem 2015.
Ia uwei pat napdeng jongki, la rai ban set patok tang haduh 12 snem. Katba 5 ngut na katei ka kynhun, ki la khlad noh hashwa ba ka ïingbishar kan pynsngap halor katei ka mat ba iadei bad ka jingdon kti jongki ha ki kam thombor ka IS.
