Khliehriat, Jymmang 31:
Ki dkhot jong ka Jaiñtia Coordination Committee on Reservation Policy (JCCRP) ha ka jingïalang ba la pynlong ha Khliehriat, East Jaiñtia Hills District ha ka Sngi Balang da ka jingbitar lep ki la thang ïa ka tyngshop jong u Dr. Mizanur Rahman Kazi uba dei MLA ka Trinamool Congress Party na Rajabala Konstitwensi halor ka jingdawa ba khlem nongrim jong utei u MLA haba ïadei bad ka bhah thung kam ha ka jylla.
U Dr Mizanur Rahman Kazi, u MLA na Rajabala u la pynmih ha ki lad pathai khubor ïa ka jingdawa jong u ba dei ban buh ne mang kyrpang haduh 50% ïa ki Unreserved ha ka Meghalaya State Reservation Policy.
K Jaiñtia Co-ordination Committee on Reservation Policy (JCCRP) kaba kynthup ïa ka Jaiñtia Students’ Movement (JSM), Jaiñtia Students’ Union (JSU), East Jaintia National Council (EJNC), ka Synjuk Waheh Shnong ri Jaiñtia bad Synjuk Waheh Shnong Jowai ka la bteng ïa jingshong kyllaiñ mungor kaba la long Khliehriat ha ka Sngi Balang.
