Morocco, Jymmang:
Ha ka lympung ialehkai kaba dang long mynta ha Rabat ka Diamond League ka khubor ka iathuh ba u rangialehkai Steeplechase na India u Avinash Sable u lah ioh ban dang iaisah ha ka kyrdan ba 10 ha ka jingiakob 3000m jong katei ka jait jingialehkai ha katei ka lympung. Kumjuh ruh u Soufiane El Bakkali na Morocco u lah khur ia ka jingjop na ka jingiakhun bad iai thoh biang ia ka rekod lajong da ka jinglah ban pyndep ha ka por 7:56:69 kaba long ruh ka sien kaba phra ha ka jingsted ialehkai ha ka 3000m.
Shuh shuh ha kata ka jingiakhun, u nongialehkai na Ethiopia u Getnet Wale bad uba na Kenya u Abraham Kibiwot ki la lah ban pyndep ia ka jingiakhun jong ki da kaba wan ba-ar bad balai, hynrei kim shym la lah ban pynjan ialade bad u El Bakkali ha ka jingiakhun kaba khatduh.
Kumt ruh utei u nongialehkai na India; uba lah mareh mynta ha ka sien ba nyngkong ha ka 3000m SC jong ka aiom ialehkai kaba mynta, u lah sdang ia ka jngiakhun na u lain ba shapoh bad u bym shym la lah ban pyniaryngkat bad kiba shakhmat ha kaba u lah shem jingeh na ka bynta ban iaibeh nadien ia kiwei pat ki rangialehkai bad uba la lah pat ban pyndep ia ka jingia aireng ha ka por 8:17:18.
