C. B. Iawphniaw
Kane ka jingdawa pynbeit ia ka Reservation Policy ka long kum ka jingiatan tyllai hapdeng ki seng saiñ hima sima kum ka VPP bad ka NPP bad kiwei kiwei ki seng sain hima sima halor ka Reservation policy lehse ym don ba lah ban pynbeit ia kane ka bhah thungkam thungjam lyngba ki seng sain hima sima. Ba lah ban pynbeit ia ka Reservation policy, dei tang ki iingkashari ba donburom kata ka High Court bad ka Supreme Court kiba long ki iing Kashari kiba ha khlieh tam hapoh ki Jylla bad ha ri India. Ban pynioh ia ka hok hapdeng ki jaitbynriew bapher bapher kiba la shong la san hapoh ka Jylla Meghalaya haba ia dei bad ka Reservation policy kan dei tang ki iingkashari kiba lah ban pynbeit bad pynhun ia ka jingdawa jong ngi ki Khasi-Jaintia bad Garo bad kiwei kiwei, halor kane ka Reservation policy kaba dang ia khluit mynta hapdeng ka sorkar MDA pyrshah ia ka seng sain hima sima VPP. Ban pynkylla ia kane katkum ka jingbun briew ne jingbun paid ka shong ha ki kashari ri ba ha khlieh tam jong ka ri. Ki seng saiñ hima sima ki shu ia leh politic ban ioh myntoi ialade kum ka seng ym ban pynhun ia u paidbah ka Jylla. Kane ka long ka jingiohi jong ngi ki ‘riew paidbah kaba ia dei bad kane ka Reservation policy hapoh ka Jylla.
