New Delhi, Jylliew:
Ka Tnat ka Koit ka khiah jong ka Sorkar Pdeng, hapoh ka jingbthah jong u Myntri Sorkar Pdeng ba dei khmih ïa ka koit ka khiah, u Dr Mansukh Mandaviya u la phah mardor ïa ki kynhun jong ki doctor sha ka jylla Manipur.
Hynriew tylli ki kynhun jong ki doctor, bad man ka saw ngut ki doctor ki dei kiba la pyntbit ha ka liang ka ‘surgery’, ‘psychiatry’, ‘medicine’, ‘gynecology’, ‘pediatric’, ‘urology’ bad ka jingai jingsumar kaba kyrkieh kin ai jingkyrshan ïa ka jylla ban pynbiang ïa ki lad ai jingsumar, kaba la shah ktah jur namar ka jingïakynat bad jingïakajia kiba dang jia tad haduh kane ka kynti kaba mynta ha ka jylla Manipur.
