Paris, Jylliew:
Ki arngut ki rang-ialehkai Tennis na India kiba ju tbit ha ka jingiatreilang ka jong ki ha ka kyrdan iakhun ba mar arngut kata u Yuki Bhambri & Saketh Myneni, mynta ki la lah ban khur shalade ia ka jingjop ha baroh shi lynter jong ka set iakhun ha ka jingia aireng pyrshah bad ki rangialehkai na France; u Arthur Rinderknech & Enzo Couacaud na ka bynta ban sdang ia ka jingiaid lynti ka jong ki ha ka lympung ialehkai ba mynta ka French Open da ka jingseisoh bad ka jingjop.
Kumta u Yuki & Saketh kibha lah khur ia ka nam lahduh ha ka Bangkok Open Challenger ha u bnai K’lyngkot mynta u snem, ha katei ka jingia aireng ba mynta ki lah shimpor haduh 64min na ka bynta ban pynliem noh ia ki nongiakhun pyrshah jong ki da 6-3 6-2.
Kumjuh ruh uwei pat u khlur ialehkai ka ri u Rohan Bopanna bad u paralok jong u na Australia u Matthew Ebden kim shym la lah ban shakhmat na ka jingiakhun ba nyngkong ha kaba ki lah hap ban mad noh ia ka jingshah pynrem da 5-7 6-7 (5-7) ha ki rangiakhun pyrshah na France u Sadio Doumbia & Fabien Reboul.
Ka long ruh sa kawei pat ka jingkut noh ka jingiaid lynti sa jong uwei pat u khlur ialehkai ka ri u N Sriram Balaji bad u Jeevan Nedunchezhiyan hadien ba ki lah shah pynrem noh da 3-6 4-6 ha u nongialehkai na Belarus u Ilya Ivashka bad ha u Alexei Popyrin na Australia ha ka kylla iakhun kaba nyngkong.
