Norway, Jylliew:
Da kaba iai bteng ia ka rukom ialehkai bha da u rangialehkai Chess ka ri u D. Gukesh, ka khubor ka iathuh ba utei u rangialehkai u la lah ban pynliem noh ia u nongiakhun pyrshah u Alireza Firouzja; uba bat ia ka kyrdan ba-ar ha ka pyrthei ha ka Live Ratings; na ka bynta ban pynlong ia u Gukesh ban plie ia ka jingiaid lynti ka jong u ha ka 11th Norway Chess ha Stavanger, Norway.
Ha ka sngi ba u lahduh ha ka pyrthei u Magnus Carlsen u lah shah rem noh ha u Fabiano Caruana, u Gukesh u lah ioh ban pynliem ia utei u nongiakhun pyrshah ha ki 37 sien pyniaid dice na ka bynta ban pynlong shuh shuh ia ka sngi iakhun sa kawei pat ka jingjop ha ka Classical Time Format ha ka rynsan iakhun kaba don ia 10 ngut ki nongialehkai.
Kham hadien jong kitei ki jingiakhun, u Anish Giri, Wesley So bad Shakhriyar Mamedyarov ki long ki nongialehkai kiba lah khur ia ka jingjop jong ki ha ki jingialehkai Armageddon na ka bynta ban bud nadien ia u nongialam banakhmat ha ka thup kyrdan jong ka lympung. Shuh shuh ruh ha ka Italian Game, u Gukesh u lah ialehkai da ki dice rong iong bad iohi ruh ia ka jingkynriah jaka u Bishop jong u rangiakhun pyrshah ha ka kylla ba 28 kaba long ka lad ka lynti ban ioh khur ia ka jingjop.
Ka jingjop u Gukesh pyrshah ia u Alireza ka long da 5.7 rating points na ka bynta jong u bad ha kaba u tei u rangialehkai ba dang khynnah ka ri u lah jam mynta sha ka jak aba 15 ha ka thup kyrdan pyrthei ha ryngkat badka Live Rating kaba 2742.
Ki result:
1st Round: Alireza Firouzja (Fra) ha u D. Gukesh (3); Fabiano Caruana (USA, 3) ia u Magnus Carlsen (Nor); Nodirbek Abdusattorov (Uzb) iakhaid bad Anish Giri (Ned); Shakhriyar Mamedyarov (Aze) iakhaid bad Aryan Tari (Nor); Wesley So (USA) iakhaid bad Hikaru Nakamura (USA); Armageddon: Mamedyarov (1.5) ia u Tari (1); Abdusattorov (1) ha u Giri (1.5); So (1.5) ia u Nakamura (1).
