Bangkok, Jylliew:
Ha ka lympung ialehkai Badminton kaba dang iaid shakhmat mynta ka Thailand Open, ka khubor ba lah ioh lum ka iathuh ba u rangialehkai ba dang khynnah na India u Lakshya Sen u lah jam mynta sha ka rynsan iakhun semifinal hadien ba u la lah ban khur noh shalade ia ki 21-19, 21-11 jingjop pyrshah ia u nongialehkai na Malaysia u Leong Jun Hao.
Ha kaba iadei bad ka jingiakhun ki arngut, u Sen u lah pynsting ia ka rukom ialehkai ka jong u da kaba pynsting shuh shuh ia ka kam ialehkai jong utei u rangiakhun pyrshah da kaba pyndep ia ka jngiakhun baroh kawei ha ka 41min ialehkai na ka bynta ban jam pat sha kawei ka rynsan iakhun ha ka lympung.
Kumta hadien katei ka jingjop, u Sen u lah ruh ban iakynduh bad u nongialehkai na China u Lu Guang Zu ne bad u Kunlavut Vitidsarn jong ka Thailand.
Ha kawei pat ka jingialehkai ha kajuh ka sngi, uwei pat u khlur ialehkai ka ri u Kiran George u lah mad noh ia ka jingshah pynrem ha u nongialehkai na France u TJ Popov da 21-16, 21-17.
