Jowai, Jylliew 04:
Ka Sarot I Man ka la kynmaw burom ïa ka World Environment Day da kaba thung ïa ki tynrai dieng ha ki bynta ka Treriat ka Kiang Panaliar Jowai.
Shwa ka jingthung dieng ka la don ka jingïalang ba la pynïaid da u Bah Shape Pasweth ha ka jingdonlang u Bah Taiwanyoo War, District Soil Conservation Officer (Territorial Division), West Jaiñtia Hills District.
Ha kane ka jingïalang u Bah Riquoma Rq. Laloo u la kyntu ïa ki dkhot ka SIM ïa ka mynsiem ieid mariang kaba ym kut tang ha ka shi sngi, hynrei ban long ka nuksa ïa kiwei bad ïarap ïa kiba donkam jingïarap ha ka imlang sahlang.
Katba na ka liang u Chairman Shape Pasweth u la ong ka ri India ka don ha ka jingma bad u la kyntu ïa baroh ban pynneh pynsah ïa ki dieng ki siej ha ki khlaw ki btap.
Kiwei kiba la ai jingkren ki long u Bah Jait dao Sumer, u Bah Kyllimot Lhuid bad u Bah Sienmitre Sumer.
