Tughlakabad, Jylliew:
Ka Manu Bhaker bad u Sarabjot Singh ki lah pynshisha shuh shuh ia ka jinglong ba tbit ka jong ki ha ka kam ialehkai siat Pistol naba ki la lah ban pynliem noh ia u Varun Dubey & Vibhuti Bhatia. Da katei ka jingjop ka la pynlong ia kitei arngut ban khur noh shalade ia ka takma ksiar na ka jingiakob siat Air Pistol ba mar shijur da 16-2 ha ka lympung ialehkai ba mynta ka Khelo India University Games (KIUG).
Shuh shuh ka khubor ka iathuh ba ka Manu bad u Sarabjot kiba long ki snar siat Pistol ha ki lympung bapher bapher ki dap mynta da ka jingkmen kaba khraw halor ka jinglah ban khur ia katei ka takma na ka bynta ka kynhun ialehkai jong ki ba ki lah mihkhmat mynta ha ka lympung ka Panjab University, Chandigarh. Ka long ruh ka jingiaid lynti kaba seisoh bad ka jingpynkhreh kaba jop na ka bynta kitei ki nongialehkai ki ban sa shimbynta ha ki lympung iakhun bapher bapher. Ha kawei pat ka jingiakhun, u Hardeep Singh Gill & Shikha Narwal ki long ki nongialehkai kiba la lah ban khyllie ia ki dor-thong jong ki na ka 4-12 sha ka 14-12 ha ka jingiakob siat na ka bynta ka jing-iaknieh takma Rnong pyrshah ia u Amandeep Singh 7 Pardeep Kaur Sidhu, hynrei kiba lah shah pynkylla khongpong ka rukom ialehkai ka jong ki tad haduh ba kin da mad ia ka jingshah pynrem noh.
Ha ka Mixed Skeet event, ka long ruh sa kawei ka takma Ksiar na ka bynta ka Panjab University, Chandigarh; ha kaba u Parinaaz Dhaliwal bad Prabh Pratap Chahal ki lah pynliem noh ia u Asees Chhina & Sukhbir Singh Harika da 31-29.
Ki result:
10m air pistol: Mixed team: 1. Panjab University, Chandigarh (Manu Bhaker, Sarabjot Singh) 16 (573); 2. University of Delhi (Varun Dubey, Vibhuti Bhatia) 2 (575); 3. Punjabi University (Amanpreet Singh, Pardeep Kaur Sidhu) 16 (566); 4. Maharshi Dayanand University (Hardeep Singh Gill, Shikha Narwal) 14 (570).
Skeet: Mixed team: 1. Panjab University, Chandigarh (Prabh Pratap Chahal, Parinaaz Dhaliwal) 31 (141); 2. Punjabi University, Patialav (Asees Chhina, Sukhbir Singh Harika) 29 (139); 3. GNDU, Amritsar (Arjun Thakur, Shivani Raikwar) 32 (127); 4. GNDU, Amritsar (Gurnihal Singh Garcha, Kajal Singh Baghel) 22 (109).