Tura, Jylliew 04:
Ka Garo Students’ Union (GSU) – CEC hapoh ka jingïalam u Zikku B.N. Marak lem bad kiwei-kiwei ki dkhot ki la ïakynduh ïa u Myntri Rangbah ka Jylla, u Conrad K. Sangma ban kyrpad pynkynriah ïa ka eksamin la ka dei jong ka NEHU ne ka CUET ki ban long mynta u bnai, namar ka jingïatyngkhuh jong ki tarik.
Ha kajuh ka por, la aiti ruh ïa ka dorkhas haba ïadei bad katei ka jingdawa.
Katba ka CUET kan long ha ka 12 tarik u Jylliew la ha Shillong ne Guwahati (Geography ha ka kylla sngi) ïa kaba la khmih lynti ba ki samla pule kin hap ban thoh pat sa ïa ka eksamin NEHU ha ka sngi kaba bud, 13 tarik u Jylliew.
“Kan ym lah long ïa ki ban leit thoh ïa kawei ka eksamin ha Guwahati/Shillong ha shuwa ban leit phai biang mynmiet sha Tura ban thoh sa ïa ka eksamin ha ka step jong ka sngi kaba bud. Kumta ngi kyrpad ban pynkynriah ïa ka tarik thoh eksamin la ka long jong ka CUET ne NEHU na bynta ka bit ka biang jong ki samla pule,” la ong u Balgra.
