Shillong, Jylliew 04:
Ka RB Leipzig ka la ïoh rah ïa ka nam lahduh jong ka lympung German Cup ar sien kynthih hadien ba ka lah ban pynliem noh ïa ka Eintracht Frankfurt ha ka final kaba la long ha Berlin.
Ha kane ka jingïalehkai ka Leipzig ka la lah ban pynliem noh ïa ka Eintracht Frankfurt da 2-0 kol. ïa kine ki kol la thep da u Christopher Nkunku ha ka minit kaba 71 bad u Dominik Szoboszlai ha ka minit kaba 85.
U Nkunku, 25 snem ka rta, mynta u la don hapdeng ka jingïakren ban leit pynïasoh noh sha ka Chelsea, hynrei haduh mynta ym pat lah ban pyntikna pura.
Ka RB Leizpig, ka club kaba dang shu seng dang mynta kumba 14 snem, ka la ïoh rung haduh saw sien sha ka final jong kane ka lympung. Ka la shah rem noh ha u snem 2019 bad 2021 bad ban pynliem noh ïa ka Freiburg ha u snem ba la dep na bynta ban long kum ka lahduh kaba nyngkong eh.
