London, Jylliew:
Katkum ka khubor ba lah pyllait da ka Cricket Australia ka iathuh ba u rangkawang bol pace jong ka kynhun ialehkai ka Australia u Josh Hazlewood u lah shah kynthuplang mynta ha ka kynhun ialehkai ba 15 ngut na ka bynta ka jingia aireng ha ka World Test Championship (WTC) Final pyrshah ia ka India ka ban sdang naduh ka 7 tarik mynta u bnai (Jylliew) ha Oval.
Ka khubor ka iathuh ba u Josh u lah leitphai iing noh na ka jingshimbynta ha ka IPL ha shuwa ba ka kynhun ialehkai ka jong u ka Royal Challangers Bangalore kan hap ban khur ia ka jingjop ha ka jingiakhun pyrshah bad ka Gujarat Titans.
Kumta u long ruh u rangialehkai uba lah shah kynthup ha katei ka kynhun ialehkai ba mynta ha ryngkatlang bad u kapten jong ka kynhun ialehkai Test u Pat Cummins, Mitchell Starc bad Scott Boland. Ka jingkynthup ia u Hazlewood u nongialehkai ba lah rim ha ki 59 tylli ki jingialehkai Test bad khur ia ki 222 tylli ki wiket, ka mut ruh ba ka kynhun jied nong-ialehkai kam donkam shuh mynta ban wanrah da u All-Rounders ka kynhun u Michael Neser ne u Sean Abbott ha ka kynhun kum ki nongkyrshan.
Kumta u Josh uba long ruh u snar ialehkai Test u lah ioh ban ialehkai tang ha ki saw tylli ki jingialehkai Test naduh u Nohprah 2021 na ka daw ba ban ka jingshitom.
Ka kynhun ialehkai ka Australia na ka bynta ka WTC Final ka kynthup ia u :
Pat Cummins (c), Scott Boland, Alex Carey, Cameron Green, Marcus Harris, Josh Hazlewood, Travis Head, Josh Inglis, Usman Khawaja, Marnus Labuschagne, Nathan Lyon, Todd Murphy, Steve Smith, Mitchell Starc, David Warner.
