Shillong, Jylliew 05:
Lai ngut ki rangïakura ka Green Heart Boxing Club (GHBC) ki la shah jied ban mihkhmat ïa ka Jylla sha ka 66th National School Games (boxing competition) ka ban long ha Bhopal, Madhya Pradesh naduh 6 haduh 9 tarik mynta u bnai.
Kine rangïakura ki long u Monfill Marweiñ, Mack L. Marshillong bad u Bashemphang Shullai.
Na ka liang ka GHBC ka pynpaw ïa ka jing-sngewsarong bad ai ruh ka jingkyrkhu kyrdoh ïa ki nongïakura ka klob kiba la ïoh ïa kane ka lad ban leit shim bynta sha katei ka rynsan ïakura.
Kat kum ka kyrwoh ba la pyllait da u President ka GHBC u Bah Larry Kharpran, la ong ba ka klob ka ai khublei ruh ïa baroh ki khynnah kiba lah shah jied bad mihkhmat ïa ka Jylla ba kin poi sha ka thong jong ka jingjop bad ruh ban wanrah ka burom ïa ka Jylla.
