Shillong, Jylliew 06:
Ka tnat Ïalehkai ka Sorkar Jylla ka la sei ïa phra tylli ki kynhun ïalehkai ki ban ïashim bynta ha ka 66th National School Games 2023 ka ban long ha nongbah Delhi, Bhopal bad Gwalior mynta u bnai.
Kine ki kynthup ïa ka Basketball, Badminton, Athletics, Boxing, Shooting, Table Tennis, Football bad Judo.
Dangshen mynta ka taïew san tylli ki kynhun ïalehkai ki la mih ban leit sha katei ka lympung, katba kiwei lai tylli pat ki kynhun kiba kynthup ïa ka Table Tennis, Football bad Judo kin mih na kane ka nongbah ha ka sngi Balang.
Kat kum ka jingïathuh da ki coach ki la pynpaw ba baroh ki kynhun ïalehkai ki la long ba la pynkhreh ban kilanmet kumba katto katne por ha shwa ba kin leit sha katei ka lympung.
Ka jingïalehkai kum ka Shooting, Basketball kan sdang naduh 6 haduh 12 tarik mynta u bnai ha NCT Delhi, katba ïa ka Boxing & Athletics kan sdang naduh 6 haduh 9 tarik, Judo, Football bad Table Tennis kin sdang naduh 10 haduh 13 tarik ha Bhopal, Madhya Pradesh. Ïa ka Badminton yn pynlong ha Gwalior, Madhya Pradesh naduh 8 haduh 12 tarik mynta u bnai.
Ha shwa ba kin mih na kane ka nongbah, na ka liang ka tnat ïalehkai ka la pynlong ka jingïalang kaba lyngkot ha JN Stadium kaba ha Polo na ka bynta ban ai khublei kitbok ïa ki khynnah ba kin ïalehkai bha ha katei ka lympung khnang ba kin lah ban khur jingjop bad ban wanphai sha la ïing ryngkat ki takma.
Ha kane ka sngi la ïadon lang u Assistant Director ka tnat ïalehkai u Bah Paia War Nongbri, kumjuh ka Sports Officer Kong Dalin Khonglam, ki coach kiba kynthup ïa u Bah Banshan Diengdoh (Table Tennis), Kong Ïaikyntiew Nongkynrih (Football), Sharmila Kharbani (Football)lem bad ki khynnah ïalehkai.
Ki khynnah ki ban ïashim bynta ha ka Table Tennis ki long ka Diva Tang, Anshruta Nag, Ridhima Dhar, Steppingstone Lyngdoh, Labeeb F. Ahmed, Kapil Biswakarma, Azel Jonan M. Marak bad u Vibek Hajong.
Ha ka Judo ki long ka Realigrace Suting, Basuklin Jasain, Rani Hajong, Shipa Rajbongshi, Player Dhar, Aric Lyngdoh Nonglait, Prem Chettri bad u Antonio Francis Lyngkhoi.
Ha ka Football ki shynrang ki long u Fashioning Syngkli, Badondor Marbaniang, Rimankhraw Kharumnuid, Hubert James Lyngdoh, Da-O-Hipaia Rymbai, Firstborn Roy Khongsit, Dawandappura Biam Pathaw, Maxy Warjri, Mebanaibok Khharbudnah, Colinsalmon Lyngdoh, Mebannangkiew Thabah, Moonstar Nongsiej, Dameshanbor D Gashnga, Cannyson Kharnaior, Blanangshngaiñ Khongsdam, Rihoklang Khongsoh, Babitlang Wahlang bad u Damebanker Lyngdoh.
Katba ha ka liang ki kynthei ki long ka Makrisha Songthiang, Inrila I Dor Khongthaw, Ranisha Lyngdoh, Baiahunshisha Lyngdoh Nongbri, Ideibanrishisha Kharpran, Rympeibasuk Syiemlieh, Cynthia Mylliem Umlong, Danisha Lyngdoh, Balarisha Maring, Balaphyrnai Nongkynrih, Imaia Shylla, Angelina Phawa, Saphapaya Lyngdoh, Ïaraplang Nongrum, Melaribha Lyngdoh, Naphishisha Kharkongor, Daiajingsuk Basaiawmoit bad ka Banrikordor Wahlang.
