Sydney, Jylliew:
Na ka liang jong u kapten ka kynhun ialehkai Kriket ka Australia u Pat Cummins u lah pynthikna khubor mynta ba uwei pat u rangialehkai ka kynhun uba tbit ha ka liang kawang bol u Scott Boland un ioh ban shimbynta mynta ha ka lympung World Test Championship (WTC) Final pyrshah ia ka India ka ban sdang mynta ka sngi (Balang) ha Oval.
Shuh shuh katei ka kynhun ialehkai ka lah bynrap ruh ia ka kyrteng jong u Michael Neser ha ka thup kyrteng ba 15 ngut hadien ba u Josh Hazlewood u lah kynran-dien noh na ka ban shimbyntalang bad ka kynhun ha ka lympung.
Kumta u Boland u lah shah jied mynta shakhmat ia u Neser kum u nongkawang bol pace balai kata hadien u Cummins bad Mitchell Starc.
Na ka bynta u Boland, u nongialehkai uba lah kamai ia ki 28 wiket na ki hynniew jingialehkai Test ha ryngkat bad ka average kaba 13.42, kan long ka sien kaba nyngkong na ka bynta jong u ban ioh ialehkai Test ha England.
