Shillong, Jylliew:
Ka Sengkhihlang kan pynlong ïa ka Dorbar ïa phylliew jingmut ha ka 17 tarik mynta u bnai ha Baniuñ, East Khasi Hills District, ha ka ïing trei kam ka Sengbah ki Nongshat Nongkheiñ ha ka por 11:30 mynstep. Kumta ka Sengkhihlang ka kyrpad ïa baroh ki President bad Secretary jong ki tnat Seng Khasi bad Seiñ Raij bapher bapher hapoh ka bri u hynñiewtrep hynñiewskum ban ïa wan sha katei ka Dorbar bad lada ki President/Secretary jong ki tnat Seng Khasi Seiñ Raij kim ïoh ban ïa wan, kin phah ar ngut na ka tnat Seng ban wan mihkhmat na ka bynta ka tnat Seng Khasi ne Seiñ Raij jong ki.
Da ka jingwan sha kane ka Dorbar, yn ïoh ban ïa phylliew jingmut bad ïatai ïa kiba bun ki mat kiba ïadei bad ka imlang ka sahlang, kum ki khun ki ksiew u Hynñiewtrep Hynñiewskum kiba ïai bat ïai ksoh ïa ka ngeit tynrai kumba la buh la tang da ki Longshwa Manshwa. Ka lad ban rung sha kane ka jaka ban long ka Dorbar ïa pylliew jingmut ka Sengkhihlang ka dei na pyrshah ka Pomlum PHC ha surok bah Shillong -Nongstoiñ, ka jingjngai kumba 1 km. Kane ka long katkum ka kyrwoh ba la pyllait da u Rgh. S. Sari, Publicity Secretary Sengkhihlang.
