Shillong, Jylliew:
Kum shi bynta ban pynïai bteng ïa ki kam khynra kyiad, ka shlem trei kam jong u Deputy Commissioner (Excise), East Khasi Hills District ka la leit ban pynlong ïa ki jingkhynra ha ki basa bam (restuarant) bad kiwei kiwei ki jaka kiba don ha sor bad khapsor ha u bnai Ïaïong, 2023 bad ha katei ka jingleit khynra jong ki, ki la ïoh ban kurup ïa 136.500 litar ka kyiad pyrsi bad 24.550 litar ka kyiad phareng. Ha katei ka jingleit khynra ki la ïoh ruh ban kem ïa 13 ngut ki briew ïa kiba la shah pynngat ruh hapoh ki kyndon jong ka Excise Act.
