Shillong, Jylliew 11:
Ka Aston Villa ka la mynjur ban soi ïa u rangïalehkai ka Leicester City u Youri Tielemans. U Tielemans ka Belgium ba la 26 snem, un sa pynïasoh sha ka Aston Villa ha ka 1 tarik u Naitung, hadien ba kut ka kontrak bad ka Leicester.
Hadien ka jingshah pynhiar kyrdan ka Lei-cester City na ka Premier League, la her ka khubor na ki club ba paw kum ka Arsenal, Manchester United bad ka Roma ba ki kwah ban soi ïa u Tielemans.
U Tielemans ïa uba la khmih lynti ba un dei u rangïalehkai ba nyngkong ba ka Villa kan soi ha kane ka aiom, u dei uba la pynïasoh sha ka Leicester ha u 2019, ha kaba u la don bynta ruh ban ïarap ïa ka Leicester ban rah ïa ka nam lahduh FA Cup ha u 2021.
U Tielemans u la ïoh ban thep ïa ka shi kol jong ka Leicester kaba la pynlong ban jop da 1-0 kol ïa ka Chelsea ha ka final bad ka la dei ruh kawei na ki 28 tylli ki kol ba u la thep na ka bynta ka Leicester ha ki 195 tylli ki jingïalehkai ba u la mih madan ha baroh ki lympung bapher bapher.
