New Delhi, Jylliew:
Ka kynhun ialehkai ba mar arngut jong ki shynrang kiba duna dkhot-met jong ka jing-ialehkai Badminton kata u Pramod Bhagat & Sukant Kadam, ki long ki rangialehkai kiba lah ioh ban synshar halade ha katei ka kyrdan ialehkai kum ki lahduh ha ki saw lympung ialehkai ba lah dep long. Kitei ki rang-ialehkai mynta ki kwah shuh shuh ban iai bteng ia kata ka jingiaid lynti ba seisoh sa ha ka lympung ialehkai ka ban wan jong ka Canada Para-Badminton International Tournament 2023.
Shuh shuh ruh ka khubor ka iathuh ba u Pramod u iai khmih ruh mynta na ka bynta ban dang iai bteng ia ka jingiaid lynti ba jop ka jong u ha ki rynsan iakhun paramarwei bad kumjuh ruh ia u Sukant uba mynta u don ia ka thong na ka bynta ban ialehkai bha ha katei ka lympung ban sa long.
Ka khubor ka iathuh ruh ba kitei ki rangialehkai ka ri ki long ruh kiba lah shah pynkup burom da ka khusnam Padma Shri, ha kaba ki lah pynpaw ruh ki ju iai pylong ia ka jingkilan met bad ka jingai jinghikai halade na ka bynta ka jingpynjanai shuh shuh ka rukom ialehkai ialehkai bad mynta u snem u long u snem ba khamsuk na ka bynta jong ki bad ki kwah ruh ban pynleit jingmut khambha shuh ha ki kam ialehkai jong ki bad ruh ban iai pynjanai ia ka jinglong ba tlot jong ki ha ka kam ialehkai.
Na ka bynta kitei ki nongialehkai, katei ka lympung ka ban sa long ka long kaba donkam ia ki ha kaba ki buh ia ka thong na ka bynta ban iai kyntiew shuh shuh ia ka kam ialehkai ka jong ki sha ka jingjanai bad kham tbit shuh shuh.
