London, Jylliew:
Ka khubor ba lah ioh lum ka iathuh ba u nongtied bol jong ka kynhun ialehkai Kriket ka India u Shubman Gill un mad mynta ia ka jingshah pynshitom halor ka jingkynthoh pyrshah ia ka rai jong u Umpire halor ka jingshah pynhap wiket ha ka sngi ba saw jong ka lympung iakhun ka World Test Championship Final. Katba ka Australia bad India mynta ki lah shah pynngat ha ka jingshah pynshitom da ka kuna kaba heh halor ka jngialeh ka jong ki na ka bynta ka jingiai pynneh ia ka Slow Over-Rate (SOR) ha ka por ba ki ar kynhun ialehkai ki dang iakhun ha ka phainal jong ka World Test Championships. Shuh shuh ruh ka khubor ka iathuh ba hadien ka jingpynwai noh ia ka jingialehkai baroh kawei, ka kynhun ialehkai ka ri kan duh noh baroh ka jingsiew kaba kaba ka lah shah siew na ka bynta ka SOR bad ruh ba ka Australia kan mad mynta ia ka jingshah dain kuna kaba haduh 80 % na ka jingsiew kaba ka lah khur na ka jingialehkai namar jong katei kajuh ka bynta ba ka lah leh ha ka por jong ka jingialehkai.
Kumta katkum ka jingiaid lang bad ki kyndon jong ka Article 2.22 ka ICC Code of Conduct for Players & Player Support Personnel, ki nongialehkai kin shah dain kuna da 20% na ka jingsiew kaba ki khur na man la ki jingialehkai jong ki halor ba ka kynhun ialehkai jong ki kam shym la lah ban pynhap wiket katkum ka por ba lah buh.
Ha kaba kut jong ka jingiakhun phainal kitei ki ar kynhun ialehkai, ka India ka lah mad ruh ia ka jingshah pynrem ha ka sngi ba san jong ka jingia aireng da 209 ron ha ka tei ka kynhun iakhun pyrshah kaba lah nang ioh mynsiem hadien ba ka lah khur ia katei ka jingjop ha South London.
Ha kaba iadei badka jingshah pynngat u Gill ha ka kyndon jingshah pynshitom, na ka liang jong u tei u rangialehkai u lah pdiang ia ka khlem kino kino ki daw bad kumta kan ym don kano kano ka jingkhot hajir kaba kyrpang ia kaba yn pynlong na ka bynta jong u. Ka rai jong ka ICC mynta ka long ba u Gill un hap ban siew ia ka pisa baroh ha kaba u lah kot sha ka 115% jong ki jingsiew kiba u lah khur na ki jingialehkai kum ki kuna.
