Shillong, Jylliew 12:
Ka Meghalaya Boxing Association (MBA) ka la jied khyndai ngut nongïakura lem bad ar ngut ki nongïalam (officials) ki ban mihkhmat ïa ka Jylla sha ka 6th Youth Men National Boxing Championships ka ban long ha Sikkim naduh 13 haduh 18 tarik mynta u bnai.
Kine ki kynthup ïa u Gabriel Kharkongor (48kg), Bawanpher Shadap (51kg), Gareth Garfield Laloo (54kg), Khrawkupar Thangkhiew (57kg), Mewanlambiang Ranee (60kg), Teiboklang Jyrwa (63.5kg), Bahlung Papeng (67kg), Dabit Kharkongor (71kg) bad u Surjeet Dey (75kg).
Ki nongïalam sha katei ka lympung ki long u Bah Dondor Marweiñ kum u Coach bad Bah Despitol Sun kum u Manager.
Na ka liang u President ka MBA, Bah Cornelius Kharhunai ha ka jingïalang kaba lyngkot, u la ai ki kyntien sneng, ’tien kyrkhu bad kyrmen ruh na ka liang ki khynnah kin lah ban ïalehkai bha bad poi sha ka thong jong ka jingjop bad wanrah ruh ka nam ka burom ïa ka ïing ka sem bad kumjuh ïa ka Jylla hi baroh kawei.
