Shillong, Jylliew 13:
Ka East Khasi Hills District Chess Association (EKHDCA) kan pynlong ïa ka prokram jied nongïalehkai chess (District Selection) ha ka 29 tarik mynta u bnai bad 1 tarik u Naitung ha Govt. Girl’s HSS kaba ha Jail Road, Shillong ha ka por 9 baje mynstep.
Ki 12 ngut ki nongïalehkai ki ban bat haduh ka kyrdan ba hakhlieh kin ïoh ïa ka lad ban mihkhmat ïa ka District sha ka 46th State ‘A’ Chess Championship 2023 ka ban long ha Umsning, Ri-Bhoi District ha ka 14 bad 15 tarik u Naitung.
Kat kum ka kyrwoh ba la pyllait da u Bah Jerry N. Pajat, Publicity Secretary ka EKHDCA la ong ba ka bai rung kan long T.100 marwei na ka bynta ki khynnah skul bad T. 150 ïa kiba la heh la san. Ïa ki jingtip kiba bniah ki lah ban ïakynduh ïa u Bah R. Katrai (8787333937), Kong Sumar Selon K. Khonglah (8794178094) bad Kong Alisha Lyngdoh (9366877163).
