Beijing, Jylliew:
Uwei na ki khlur iakob mareh-sted ba pawbha jong ka ri China u Su Bingtian u pynbna paidbah mynta ha kaba iadei bad ka jingweng noh ialade na ka aiom ialehkai mynta snem.
Kumta ha ka jingthoh ba lah ioh lum, utei u nongialehkai uba dang iai bat ia ka rekod na ka dewbah-Asia ha ka 100m u lah pynpaw mynta halor ka rai kaba u lah shim na ka bynta ban weng noh ialade na ka World Athletics Championships mynta u snem bad na ka Hangzhou Asian Games bad ruh mynta hakhmat ia ka jingkut noh jong ka jngiaid lynti ka jong u ha ka aiom ialehkai kaba mynta na ki daw shimet ki jong u. Kum u rangialehkai ba pawbha jong katei ka ri, u Su u lah mad ia ki jingshitom bad jingmynsaw da ki snem bad ka jingkyntait ha kaba iadei bad ka jinglong-jingman ka met ka phad ka jong u hadien jong ka khlam COVID-19, ka lah wanrah ia ki jingeh kiba bun ha ka jingpynkhreh jong u mynta u snem ban shimbynta ha ki lympung ialehkai.
U Su ha ryngkat mynta bad ka personal best ka jong u kaba da 9.83 seekhon ha ka rynsan iakob mareh 100m, u long uba san kum u nongialehkai ba sted tam ha man la ki por ki samoi ialehkai ha ka kyrdan ialehkai ka jong u ha ka lympung ialehkai Olympic.
