Shillong, Jylliew 14:
Ka Ri Bhoi District Badminton Association (RBDBA) kan pynlong ïa ka Ri Bhoi Badminton Champion ha Indoor Stadium kaba ha Nongpoh naduh 17 tarik mynta u bnai.
Ki kyrdan ïalehkai kin long Under -13, Under -15, Under -17, Under -19 bad Senior jong ki kynthei bad shynrang.
Kat kum ka kyrwoh ba la pyllait da u Bah Anand Swett, Secretary ka RBDBA, la ong ba ki nongjop ha kane ka lympung kin shah jied ban mihkhmat ïa kane ka district sha ka State Level Badminton Championship kan ban sa long ha Nongstoiñ ha u Naitung.
Kumta ka synjuk la la wer ïa baroh ki samla shynrang bad kynthei ban shim ïa kane ka kabu da kaba wan shim bynta ha kane ka jingïakon. Na ka bynta ki jingtip ba kham bniah ki lah ban phone ha une number 9862606794.
