Karachi, Jylliew:
Na ka liang jong ka Pakistan Hockey Federation (PHF) mynta ka lah ioh ia ka jingshah kyntiew song pisa ha kaba na ka liang jong ka sorkar-pdeng jong ka ri Pakistan mynta ka lah pyllait ia ka song pisa kaba la kot sha ka T.25 million na ka bynta ban ai sha katei ka synjuk ban pyniaid ia ki kam ialehkai baroh ha ka ri. Katei ka jingshah kyntiew pisa jong katei ka synjuk ka plie ruh mynta ia ka lad ka lynti na ka bynta ka kynhun ialehkai Hockey ban shimbynta ha ka Asian Champions Trophy 2023 ka ban sa long ha u bnai Nailar ha Chennai.
Shuh shuh ka khubor na ka Pakistan Sports Board (PSB) ka iathuh ba hadien ka jingai mynsiem ka rukom ialehkai sha ka kynhun ialehkai Junior katei ka ri kaba lah ioh mynsiem ban ialehkai bha ha ka Asian Junior Cup ha Oman, u myntri jong ka inter-provincial coordination u Ahsan Mazari u lah mynjur mynta ha ka ban pyllait ia katei ka song pisa jingiarap sha ka synjuk. Kata ka song pisa ba ki ioh kan iarap ruh ban kyrshan ia ki jinglut jingsep ba man ka sngi ia kaba yn siew sha ki nongialehkai ka kyrdan Junior bad kumjuh ruh sha ki nongpyniaid jong ka kynhun ryngat bad ki jinglut jingsep kiba bun na ka bynta ka jingpynkhreh ka kynhun ban shimbynta ha katei ka lympung ban sa long. U lah pynpaw ruh ba ka tulop jong u nongpyniaid jong ka kynhun ialehkai ka Pakistan u Siegfried Aikman un sa pyllait noh shen baroh.
