Mairang, Jylliew 14:
Ka Eastern West Khasi Hills District Badminton Association (EWKHSA) ka la pynkhreh ban pynlong ïa ka lympung ïalehkai badminton ba la tip kum ka 3rd District Open cum Inter School Badminton Tournament 2023 naduh ka 5 haduh 7 tarik u Naitung ha Indoor Stadium kaba ha Mairang.
Kat kum ka kyrwoh la ong ba kane ka synjuk ka la pyntip ruh na bynta ka Inter School ki khynnah kynthei bad shynrang ki don haduh lai tylli ki kyrdan; kita ka Under -13, Under -16 bad ka Under-19. Katba ha ka Senior (Open category) ki kynthup ïa ka Men Single and Double, Women Single Double bad ka Mixed Double. Ïa ki jingtip ba kham bniah lah ban phone ha kine number 8837007037 & 7005767237 lane ki nongkitkam jong ka synjuk bad ka tarik kaba khatduh ban pynpoi ïa ki kyrteng kan long ha lane shuwa ka 22 tarik mynta u bnai.
