Spain, Jylliew:
Ka klob ialehkai phutbol ba pawnam na Spain ka Real Madrid ka pynbna paidbah mynta ia ka jingioh ban iasoi bad u rangshutbol ba pawnam ka England uba ju ialehkai ha ki bynta ba shapdeng u Jude Bellingham ha ka jing-iateh kaba la poi sha ka 103m euros. Katei ka klob ka la ioh ban thied ia utei rangialehkai na ka klob ialehkai na Germany ka Borussia Dortmund.
Kumta utei u rang-ialehkai ba dang 19 snem ha katei ka jngioh jong u ban soi ia ka jngiateh ba thymmai bad katei ka klob, u lah pdiang ruh halade ia ka jngiasoi kontrak kaba hynriew snem. Da ka jingsoi ia utei u rang-ialehkai ka Real Madrid ka lah pynlong ia u kum uwei na ki rang-ialehkai ba remdor tam ha man la ka por ka jingiasoi jong ka mynta kaba lah kot sha kattei ka song pisa, kaba lah ruh ban kiew mynta sha ka 30% bad khambun shuh shuh.
Ka jingmynjur jong u mynta ban iasoi bad katei ka klob ka pynlong ruh ia u kum uwei na ki rangialehkai ba remdor tam ka r Bilat hadien ba ka Real Madrid CF & ka Borussia Dortmund ki lah ia mynjur ha ka jingiadie-iathied jong ki ia utei u rangialehkai u ban sa pyniasoh pura bad ka klob ialehkai ba thymmai na ka bynta ki hynriew aiom ialehkai ki ban wan.
Ka kam shakri jong u Bellingham ha ka kynhun England ka lah long kaba jop khamtam eh ha ka World Cup 2022 kaba dang shu dep long ha Qatar, ha kaba da ka jingtrei shitom ka jong u, u la lah ban niah ia ka kynhun baroh kawei shaduh ka rynsan iakhun quarter-final; ha kaba ka kynhun da ka said ka lah mad ia ka jingshah rem noh ha ka France kaba lah wan ba-ar ha katei ka lympung hadien ka jingshah rem noh ka jong ka ha ka jingiakhun phainal bad ka Argentina.
