C.B Iawphniaw
Ha ka jingiohi ba rit jongngi kaba la dei bad kane ka bhah thungkam thungjam ne kata ka Reservation Policy. Kaba lah ban pynhun ka long ba ngi ki Khasi – Jaintia kiba ioh 40 p.c. bad ki lok Garo kiba ioh 40 p.c. ngi dei ban ioh ia ka 80 p.c. khlem da donkam ban phiah kumba la long ha ki sanphew snem ba la dep. Kata lada ka ain ka shah ban pynneh ia kane ka 80 p.c. ia ngi ki Khasi – Jaintia bad Garo.
Hynrei lada kam don ka ain ban pynneh ia kane ka 80 p.c. te ngi la duh nong shibun ba kwah Review ia kane ka Reservation policy. To long katba long katkum ka jingkylla jong ka por, ngim banse ban hap pdiang lang ia kano kano ka rai ba pdiang da ka ain, khlem da donkam shuh ban phiah ne buh quota. Namar ngim kwah ba ka 80 p.c. kan duh noh ia mynta. Lym kumta ngi la duh noh kein ia ka dohmet doh-kshong kaba ngi la ioh baroh shi katta. Ka jingpynbeit thymmai ia ka Reservation policy ka lah ban ktah pynban ia ka hok kaba ngi la ioh na ka bhah 40 +40 p.c. Namar ban ioh ia ka hok jong baroh ki nongshong shnong ka shong ha ka iingkashari kaba ha khlieh kaba lah ban pynbeit na ka bynta ka jingmyntoi lang ia baroh kum ki nongshong shnong ka Jylla.
Kane ka long ka jingiohi ba rit jong ngi kum ki riew paidbah khlem da ia shah liang bad kano kano ka kynhun dawa pynbeit ia ka Reservation policy. Dei ban pyrkhat sani bha shuwa ban ai ka rai ioh ka ktah ia ka hok jong ki para nongshong shnong ka Jylla.
