Shillong, Jylliew 15:
Ka kynhun ïalehkai phutbol ka India ka la ïoh ban bat ïa ka kyrdan ba hakhlieh ha ka Intercontinental Cup hadien ba ïakhaid khlem don ba thep kol pyrshah ïa ka Lebanon ha ka jingïalehkai kaba khatduh kaba la long ha ka sngi Palei ha Bhubaneswar.
Lyngba kane ka jingïakhaid ka la pynlong ïa ka Lebanon ban wan ka kyrdan ba-ar, hadien ba ka Vanuatu ka la lah ban pynliem ïa ka Mongolia da 1-0 kol ha ka jingïakhun kaba la long ha kane kajuh ka sngi.
Haduh kaba kut jong ka jingïalehkai kaba khatduh, ka India ka la kamai 7 point, ka Lebanon (5 point), katba ka Vanuatu kaba la jop ïa ka Mongolia (1 point) ka la kamai 3 point.
Kumta ka India kan pynkhreh ban ïaknieh ïa ka nam lahduh pyrshah ïa ka Lebanon ha ka jingïakhun final ka ban long ha ka miet jong Sngi U Blei ha ka por 7:30 mynmiet.
