London, Jylliew:
Na ka liang jong ka International Cricket Council (ICC) ka pynbna mynta ha kaba iadei bad ka prokram ialehkai jong ka jingiaid lynti ka shalyntem ka lympung World Test Championship kaba dei ruh ka bynta kaba lai jong ka lympung ka ban tyllun naduh u snem 2023 – 25. Kane ka lympung ialehkai kan sdang naduh ka jingiakhun ha ka Ashes hapdeng ka England bad Australia mynta u bnai.
Kumjuh ruh ka kynhun ialehkai Kriket ka India kaba la wan ba-ar ha ki ar bynta jong katei ka lympung ialehkai, mynta ka kynti kan mad ia ki jingiakhun ba kham eh ha kaba kan hap ban iakhun pyrshah ia ki kynhun ialehkai kiba paw ha ka pyrthei kum ka Australia, West Indies, bad South Africa ha katei ka shalyntem ka ban sa tyllun jong katei ka lympung.
Katkum ka rukom pyniaid ia ka lympung ka long ba baroh ki 9 tylli ki kynhun ialehkai lah dep ban pynbeit ia ka prokram ialehkai ka jong ki ha kaba ka jingiakhun pyrshah jong ki baroh jong ki 6 kynhun ialehkai ha ryngkat bad lai tylli ki jingialehkai yn pynlong ha -iing bad lai tylli ki jingialehkai ki ban long shabar-ri.
Kumta na ka liang jong u General Manager ka ICC u Wasim Khan u iathuh ba ka WTC ka long ka lympung ialehkai kaba heh tam na ka bynta ban ailad ia ki kynhun ba kin lah ban ialehkai bha shuh shuh ha ki jingialehkai Test ki jong ki.
Kumba ka paw mynta ka long ba ka kynhun ialehkai na England ka lah shah pynbeit na ka bynta ban ialehkai bun ki jingialehkai Test ha ka por jong ka shalyntem katei ka lympung kata sha ki 21 tylli ki jingialehkai, katba ka Australia da 19 tylli bad ka India da 19 tylli ki ban mih madan ha man la ki san sngi katkum ba lah dep ban pynbeit.
Ka jingiaid lynti jong ka kynhun ialehkai ka India ha ka jingtyllun ka shalyntem jong ka WTC naduh u snem 2023-25 ki long:
2 Tests ha West Indies – Naitung – Nailar 2023
2 Tests ha South Africa – Nohprah 2023 – K’lyngkot 2024
2 Tests vs Bangladesh – Nailur – Risaw 2024
5 Tests vs England – K’lyngkot – Rymphang 2024
3 Tests vs New Zealand – Risaw – Naiwieng 2024
2 Tests in Australia – Naiwieng 2024 – K’lyngkot 2025.
