Chennai, Jylliew:
Ha ka lympung jong ka Squash World Cup ka khubor ka iathuh ba ka kynhun ialehkai ka ri ka lah jam mynta sha ka jingiakhun semi-final hadien ba ka la lah ban thaw ia ka rekod jingjingsynshar jingjop da 4-0 pyrshah ia ka South Africa ha ka jingialehkai kaba ar bad ha ka penultimate ha ka jingiakhun ki ar kynhun na ka Pool B.
Shi sngi hadien ba ka kynhun ialehkai ka ri ka lah pynliem noh ia ka Hong Kong da 4-0 ha kaba sdang jong ka jingiaid lynti jong ka ha ka lympung, kata ka kynhun ialehkai ka ri kaba ia aireng mynta ha-iing, ka lah hap ban jaw ka syep-ka-syar ha ka jingia aireng pyrshah bad ka South Africa; ha shuwa ba kawei pat ka kynhun ialehkai na kajuh ka Pool ka Japan kan jam sha ka rynsan iakhun semifinal.
Kumta ruh ka India kaba lah khur ia ki 2 tylli ki jingjop na ki 2 sien iakynduh bad ka Japan ruh kumjuh da ki 2 tylli ki jingjop na ki 2 sien iakynduh, kin iakhun mynta na ka bynta ka jingiaknieh ia ka kyrdan ba hajrongeh ha ka group; ynda kin iakynduh paramaki ha ka jingiakhun phainal na katei ka Pool.
Shuh shuh ruh na ka Pool A, ka Egypt kaba bat mynta ia ka kyrdan ba nyngkong hadien ki 2 tylli ki jingjop na ki 2 sien iakhun bad ka Malaysia da 2 jingjop ha ki 2 sien iakhun ki lah ioh ban buh jaka sha katei kajuh rynsan iakhun.
Ka India da kaba ialehkai hakhmat u paidbah nongwanpeitkai na ka ri, katei ka kynhun ka lah wan shakhmat bad khur ia ki bun dor-thong na katei ka kynhun iakhun pyrshah. Kumjuh ruh, u Saurav Ghosal u lah khur shalade ia ka jingjop ha baroh ki jingialehkai, u Abhay Singh, Joshna Chinappa bad Tanvi Khanna kiba lah khur jingjop da mar katjuh kata da 3-1.
Ha ka jingiakhun jong u Saurav, ka khubor ka iathuh ba ha ka jinglah ban ialehkai bha, u la lah ban tynjuh ia ka rukom ialehkai jong u Dewald van Niekerk tad haduh ba un da lah ban pynliem noh ia da kaba khur shalade ia ka jingjop
Ki result :
1st Round: Pool B: India ia ka South Africa da 4-0 (Tanvi Khanna ia ka Hayley Ward da 7-4, 7-2, 3-7, 7-2; Saurav Ghosal ia u Dewald van Niekerk da 7-6, 7-4, 7-1; Joshna Chinappa ia ka Lizelle Muller da 7-4, 7-3, 3-7, 7-1; Abhay Singh ia u Jean-Pierre Brits da 7-4, 3-7, 7-6, 7-5). Japan ia ka Hong Kong da 3-1 (Akari Midorikawa ha u Yee Lam Toby da 5-7, 7-3, 4-7, 4-7; Ryunosuke Tsukue ia u To Yu Ling da 7-1, 7-4, 7-1; Satomi Watanabe ia ka Heylie Fung da 7-2, 7-1, 5-7, 7-2; Tomotaka Endo ia u Chung Yat Long da 7-4, 7-6, 7-5.
Pool A: Egypt ia ka Colombia da 4-0 (Kenzy Ayman ia ka Catalina Pelaez da 7-5, 7-5, 7-6; Aly Abou Eleinen ia u Felipe Tovar da 7-5, 7-2, 7-2; Fayrouz Aboelkheir ia ka Laura Tovar da 7-3, 7-4, 5-7, 7-2; Karim El Hammamy ia u Alfonso Marroquin da 7-5, 7-3, 4-7, 7-4). Malaysia ia ka Australia da 3-1 (Xin Ying Yee ia ka Alexandra Haydon da 5-7, 7-4, 7-2, 7-4; Darren Pragasam ha u Joseph White da 2-7, 6-7, 1-7; Aira Azman ia ka Jessica Turnbull da 7-6, 7-2, 6-7, 7-1; Sai Hung Ong ia u Nicholas Calvert da 7-6, 7-1, 7-5).
