Islamabad, Jylliew:
Ka Myntri ka tnat Climate Energy jong ka Pakistan, ka Sherry Rehman ha ka Sngi Balang, ka la pyntip ba ki bor pyniaid ka Biparjoy ki la pynkynriah noh ia ki nongshong shnong ka Keti Bandar kaba don hapoh jong ka nongbah Sindh ha ka Sngi Palei ha ka por kumba 11 baje mynstep, kum shi bynta ban pynkhreh ia ka jingmaham ba la ioh na ka tnat khmih suiñ bneng ba ka ‘erlangthari ka lah ban leit hap bad iaid lyngba jong katei ka thaiñ.
Kumta ki bor pyniaid ki la ioh ban pynkynriah noh ia kumba 66,000 ngut ki paidbah nongshong shnong jong katei ka thaiñ bad la pynkynriah noh ia ki sha ki jaka sah shipor kiba kham shngaiñ bad kiba lah ban lait na ka jingiaid lynti jong katei ka ‘erlangthari.
Kumta ruh ka Sherry ka la kyntu ia ki paidbah nongshong shnong ba kin iasnoh kti lang bad ban bud ia ki jingbthah bad jingpyniaid jong ki bor pyniaid, khnang ba kin lait na ki jingma bad ban lait shah ktah na katei ka ‘erlangthari.
kaba lah ban wan iaid lynti sha katei ka thaiñ kumba la ioh jingmaham.
