Medellin, Jylliew:
Na ka lympung ialehkai World Cup kaba long mynta jong ka jingialehkai iakob siat Khnam ka Archery World Cup ha Medellin, ka khubor ka iathuh ba ka ri India ka la lah ban khur mynta ia ki takma Rnong na ka jngiakob siat Compound jong ki shynrang bad kynthei ha ka rynsan iakhun kynhun kum ka jingplie ia ka jing-iaid lynti ki kynhun ialehkai ka ri ha katei ka lympung ialehkai ba mynta.
Shuh shuh ruh ha kaba iadei bad katei ka bynta, ka kynhun ialehkai jong ki kynthei kaba kynthup ia ka Aditi Swami, Jyothi Surekha Vennam bad Parneet Kaur ki la lah ban pynliem noh ia ka kynhun ialehkai na Mexico ha ka jingiakob siat tiebreaker da 232-232 (29*-29) na ka bynta ban khur shalade ia ka takma Rnong.
Kumjuh ruh ha ka jingiakhun kynhun jong ki shynrang, u Abhishek Verma, Ojas Deotale bad Prathamesh Jawkar ki la lah ha ka ban pynliem noh ia ka kynhun ialehkai na Colombia da 236-228.
Ha kaba iadei bad ka kam ialehkai jong ka Aditi ka long ba ka jingiakhun World Cup kaba lai ba ka lah ioh mynta, katei ka nongialehkai ka lah pynliem ruh ia ka rekod ba mynshuwa kaba da 705 ia kaba lah thaw ia ka dang ha u bnai Jymmang jong ka aiom ialehkai ba mynta da ka Liko Arreola kaba lah pynpaw nam ialade shakhmat ha ka jingmihkhmat na ka kynhun Senior ka USA kaba lah pyndep ha ka jak aba khyndai da 698.
Katei ka sngi ialehkai ka long ruh ka sngi kaba jop na ka bynta ka ri ha kaba lai ngut na ki thei ialehkai kiba ha ka thup ba 6 kynthup ruh ia ki arngut kiba lah wan ha ki ar kyrdan ba shakhmat kata ka Aditi bad Jyothi ki la lah ban ialehkai bha ha ka jinglah ruh ka jong ki ban khur ia ka jingjop.
Kumjuh ruh ka kynhun iakob siat ha ka Compound jong ki kynthei kata ka Aditi, Jyothi (708) bad Parneet (700) ki long kiba lah wan sha ki kyrdan ba shajrong ha ka qualification, hynrei kiba lah duh noh pat ban khur ia ka rekod ha ka pyrthei kum ka kynhun ialehkai ka jong ki ia kaba lah buh hakhmat da ka kynhun ialehkai na Korea da 2120; kata da kaba duna da shi dor-thong.
