Chennai, Jylliew:
Ka kynhun ialehkai Squash ka ri ka lah pyndep mynta ia ka jingiaid lynti ha ka group stage jong ka lympung ialehkai ba mynta ka Squash World Cup da 100 % rekod jingjop bad ka long ruh ka kynhun ialehkai kaba lah pyndep ha ka kyrdan ba hajrongeh ha ka Pool B, hadien ba kata ka kynhun ialehkai ka ri ka la lah ban beh nadien na ka bynta ban khur shalade ia ki 3-1 jingjop pyrshah ia ka Japan.
Kumta ruh ka India kaba la lah mynta ban khur ia ki 3 tylli ki jingjop na ki 3 sien iakhun), kaba lah pynthikna ruh sha ka kynhun ia ka jaka sha ka semifinal ha ka lympung, ha kaba ka tei ka kynhun kan iakynduh pyrshah ia ka Malaysia kaba lah khur ia ki 2 jingjop na ki 3 jingiakhun.
Katba ka Egypt kaba bat ia ka kyrdan bahakhlieh ha ka Pool A da 3 tylli ki jingjop na ki lai sien iakhun, kan iakynduh mynta bad ka Japan kaba lah khur ia ki 2 jingjop na ki lai jingiakynduh.
Ha ka jingia aireng na ka bynta ka jingiaknieh ia ka kyrdna ba nyngkong ha ka Pool B, ka kynhun ialehkai ka ri ka lah ioh ia ka jingkyrshan kaba radbah sa shisien pat. Ha ka jngialehkai ba khatduh jong ka sngi ialehkai, ka Tanvi Khanna ka la lah ban khur shalade ia ka jingjop ha baroh kawei ka jingialehkai pyrshah iaka Akari Midorikawa.
Ki result:
1st Round: Pool B: India ia ka Japan da 3-1 (Abhay Singh ha u Tomotaka Endo da 6-7, 6-7, 2-7; Joshna Chinappa ia ka Satomi Watanabe da 2 -7, 7-4, 3-7, 7-5, 7-5; Saurav Ghosal ia u Ryunosuke Tsukue da 7-6, 6-7, 7-4, 3-7, 7-5; Tanvi Khanna ia ka Akari Midorikawa da 7-4, 7-1, 7-1). South Africa ia ka Hong Kong da 3-1 (Jean Pierre-Brits ia u Chung Yat Long da 7-1, 6-7, 7-3, 7-6; Lizelle Muller ha ka Heylie Fung da 4-7, 7-6, 6-7, 5-7; Dewald van Niekerk ia u To Yu Ling da 7-5, 7-2, 7-6; Hayley Ward ia u Yee Lam Toby da 7-4, 7-4, 7-3).
Pool A: Egypt ia ka Malaysia da 3-1 (Karim El Hammamy ia u Sai Hung Ong da 7-1, 7-3, 7-0; Fayrouz Aboelkheir ha ka Aira Azman da 5-7, 7-5, 3-7, 7-2, 3-7; Aly Abou Eleinen ia u Darren Pragasam da 7-1, 7-0, 7-1; Kenzy Ayman ia u Xin Ying Yee da 5-7, 7-4, 7-3, 2-7, 7-5). Australia ia ka Colombia da 4-0 (Nicholas Calvert ia u Alfonso Marroquin da 7-4, 7-3, 5-7, 7-2; Jessica Turnbull ia ka Laura Tovar da 7-6, 4-7, 5-7, 7-5, 7-6; Joseph White ia u Felipe Tovar da 6-7, 7-3, 7-1, 7-0; Alexandra Haydon ia ka Catalina Pelaez da 6-7, 7-6, 7-4, 6-7, 7-6).
