Jowai, Jylliew 16:
Ka Samaro bad ka Nangbah Khloopano ki la ïasam mar mar shi dor-thong (point) ha ka lympung ïalehkai Third Division Football Tournament ba la tip kum ka “3rd Adelbert Memorial Trophy” hadien ba ïakhaid mar 3-3 kol ha ka sngi Thohdieng ha Kiang Stadium, Jowai.
Ka Nangbah Khloopano tang mar ïasdang ka jingïalehkai ka la ïoh ban thep kol lyngba u Armstrong Dhar ha ka minit kaba 4, kumjuh u Aiban Lamare ha ka minit kaba 48 bad u Teiban Lamare ha ka minit kaba 57. Hynrei ka Samaro ka la lah ban pynphai kylla lyngba u Dunsill Chyrmang ha ka minit kaba 18, u Fourki Dkhar ha ka minit kaba 52 bad u Deibor Bareh ha ka minit kaba 60 na ka bynta ban ïakhaid mar lai kol.
Haba phai sha kawei pat ka jingïakhun kaba ar la hap ban pynsangeh noh na ka daw ka jingbym shai ka suiñ bneng.
