Patshala, Jylliew:
Na ka daw jong ka jingjur u slap bad ka lyer, uwei u rangbah ba la 65 snem ka rta u la duh ei ïa la ka jingim ha ka 15 tarik mynta u bnai hadien ba uwei u dieng bah u la khyllem halor jong u. Katei ka jingjia ka la jia ha ka thaiñ Barpeta district, Assam. Kat kum ki jingïoh lum khubor la ïathuh ba katei ka jingjia ka la jia ha ka por ba u dei u rangbah u dang don hapdeng ka jingïohthiah lyngngai ha la ïing. U rangbah u ba la duh ei ïa la ka jong ka jingim na katei ka jingjia u dei u ba la tip kyrteng kum u Gautam Das – nongshong shong ka kyntoit Sankardev Path, Barpeta Road. Kat kum ki jingïoh lum khubor la ïathuh ba ha ki 2 sngi kiba la leit, ka thaiñ Barpeta ka la ïoh mad ïa ka jingjur slap bad lyer kaba radbah kaba la neh ruh haduh ka step jong ka sngi Thohdieng mynta ka taiew.
