Tbilisi, Jylliew:
Ka tnat iada jong ka Armenia ha ka Sngi Balang ka la pyntip ba 2 ngut ki paidbah nong India ki la mynsaw ha ka jingshah thombor bad jingther ‘namding jong ka kynhun Azerbaijani hapoh jong ka shnong Yeraskh, kaba don markhap bad u khappud ka Nakhchivan.
Katkum ka jingpyllait jingkren lyngba jong katei ka tnat ha ki Social Media, la ong ba 2 ngut ki nongshong shnong ka India, kiba iadon bynta ha ka jingpyntrei ha katei ka jaka, ki la ngat bad mynsaw ha ka jingshah ther ‘namding jong katei ka kynhun hapoh Yeraskh.
Ka Armenia bad ka Azerbaijan, ki don hapdeng ka jingïakynad kaba la neh slem haba iadei bad ka thaiñ Nogorno- Karabakh mynta la kumba laiphew snem kynthih. Kumta kitei ki arliang ki ju iakynad bad ia pyni bor markylliang na ka por- sha ka por, na shiliang sha shiliang jong u khappud, hynrei katei ka jingïakynad bad jing pyni bor jongki kam ju leit dei ne ktah ia kiwei pat ki nongshong shnong jong kiwei ki ri.
Katba, ha katei ka sngi, katei ka jingther ‘namding na katei kawei ka liang ka la leit jia bad thaw ngat ha ka jaka ba don kitei ki nong India kiba dang ia pyntrei ia katei ka jingtei ha katei ka jaka.
